ਨਵੀਂ ਦਿੱਲੀ – ਛੇ ਰਾਜਾਂ ਦੀਆਂ ਸੱਤ ਵਿਧਾਨ ਸਭਾ ਸੀਟਾਂ ਲਈ ਹੋਈਆਂ ਜ਼ਿਮਨੀ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਅੱਜ ਸਵੇਰੇ ਸ਼ੁਰੂ ਹੋ ਗਈ। ਇਨ੍ਹਾਂ ਸੀਟਾਂ ਵਿੱਚ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭਜਨ ਲਾਲ ਦੇ ਪਰਿਵਾਰ ਦਾ ਗੜ੍ਹ ਆਦਮਪੁਰ ਵੀ ਸ਼ਾਮਲ ਹੈ। ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਟਿਕਟ ‘ਤੇ ਚੋਣ ਲੜ ਰਹੇ ਭਜਨ ਲਾਲ ਦੇ ਪੋਤੇ ਅਤੇ ਰਾਸ਼ਟਰੀ ਜਨਤਾ ਦਲ (ਆਰਜੇਡੀ) ਦੀ ਨੀਲਮ ਦੇਵੀ ਜ਼ਿਮਨੀ ਚੋਣਾਂ ‘ਚ ਪ੍ਰਮੁੱਖ ਉਮੀਦਵਾਰਾਂ ‘ਚ ਸ਼ਾਮਲ ਹਨ। ਨੀਲਮ ਦੇਵੀ ਦੇ ਪਤੀ ਅਨੰਤ ਸਿੰਘ ਦੇ ਅਯੋਗ ਹੋਣ ਤੋਂ ਬਾਅਦ ਬਿਹਾਰ ਦੇ ਮੋਕਾਮਾ ‘ਚ ਉਪ ਚੋਣ ਹੋਈ। ਹੋਰ ਸੀਟਾਂ ਜਿੱਥੇ 3 ਨਵੰਬਰ ਨੂੰ ਜ਼ਿਮਨੀ ਚੋਣਾਂ ਹੋਈਆਂ ਸਨ, ਉਹ ਹਨ ਬਿਹਾਰ ਦੇ ਗੋਪਾਲਗੰਜ, ਮਹਾਰਾਸ਼ਟਰ ਦੇ ਅੰਧੇਰੀ (ਪੂਰਬੀ), ਤਿਲੰਗਾਨਾ ਵਿੱਚ ਮੁਨੁਗੋਡੇ, ਉੱਤਰ ਪ੍ਰਦੇਸ਼ ਵਿੱਚ ਗੋਲਾ ਗੋਕਰਨਨਾਥ ਅਤੇ ਉੜੀਸਾ ਵਿੱਚ ਧਾਮਨਗਰ। ਜਿਨ੍ਹਾਂ 7 ਸੀਟਾਂ ‘ਤੇ ਜ਼ਿਮਨੀ ਚੋਣਾਂ ਹੋਈਆਂ ਸਨ, ਉਨ੍ਹਾਂ ‘ਚੋਂ 3 ਭਾਜਪਾ ਕੋਲ ਸਨ, ਜਦਕਿ ਦੋ ਕਾਂਗਰਸ ਕੋਲ ਸਨ। ਇਸ ਦੇ ਨਾਲ ਹੀ ਸ਼ਿਵ ਸੈਨਾ ਅਤੇ ਆਰਜੇਡੀ ਕੋਲ ਇੱਕ-ਇੱਕ ਸੀਟ ਸੀ।
