ਮੁੰਬਈ: ਉੱਘਾ ਰੈਪਰ ਬਾਦਸ਼ਾਹ ਰਿਐਲਿਟੀ ਸ਼ੋਅ ‘ਇੰਡੀਆਜ਼ ਬੈਸਟ ਡਾਂਸਰ 3’ (ਆਈਬੀਡੀ 3) ਦੇ ਮੁਕਾਬਲੇਬਾਜ਼ ਨੋਰਬੂ ਤਮਾਂਗ ਤੋਂ ਇੰਨਾ ਪ੍ਰਭਾਵਿਤ ਹੋਇਆ ਕਿ ਉਸ ਨੇ ਇਸ ਦਾ ਦਿਲਚਸਪ ਪੰਜਾਬੀ ਨਾਂ ਨੋਰਬਿੰਦਰ ਰੱਖਦਿਆਂ ਸੰਬੋਧਨ ਕੀਤਾ। ਇਸ ਮੌਕੇ ਪੱਛਮੀ ਬੰਗਾਲ ਦੇ ਸਿਲੀਗੁੜੀ ਦਾ ਨੋਰਬੂ ਤਮਾਂਗ ਅਤੇ ਕੋਰੀਓਗ੍ਰਾਫਰ ਤੁਸ਼ਾਰ ਸ਼ੈਟੀ ਚਾਰਟਬਸਟਰ ਹਿੱਟ ‘ਮੌਜਾਂ ਹੀ ਮੌਜਾਂ’ ’ਤੇ ਪ੍ਰਦਰਸ਼ਨ ਕਰਨਗੇ। ਨੋਰਬੂ ਦੀ ਤਾਰੀਫ਼ ਕਰਦਿਆਂ ਰੈਪਰ ਬਾਦਸ਼ਾਹ ਨੇ ਕਿਹਾ,‘ਮੈਂ ਅਜਿਹੇ ਡਾਂਸ ਦਾ ਆਦੀ ਨਹੀਂ ਹਾਂ, ਹਾਲਾਂਕਿ ਅੱਜ ਕੱਲ੍ਹ ਦੇ ਨਾਚ ਵਿਚ ਪੰਜਾਬੀ ਅਤੇ ਹਿੱਪ-ਹੌਪ ਦਾ ਕਾਫੀ ਰਲੇਵਾਂ ਹੁੰਦਾ ਹੈ ਪਰ ਜਿਸ ਤਰੀਕੇ ਤੁਸੀਂ ਇਨ੍ਹਾਂ ਦੋਹਾਂ ਡਾਂਸ ਦੇ ਢੰਗਾਂ ਨੂੰ ਮਿਲਾਇਆ ਹੈ, ਇਹ ਬਹੁਤ ਵਿਲੱਖਣ ਹੈ। ਅੱਜ ਤੁਸੀਂ ਨੋਰਬੂ ਨਾਲੋਂ ਨੋਰਬਿੰਦਰ ਵਰਗੇ ਦਿਖਾਈ ਦਿੰਦੇ ਹੋ। ਚੱਕ ਦੇ ਨੌਰਬਿੰਦਰ!’
